تصريح السفر او الجيش بسيط لازم تروح الصبح بدري لاقرب منطقة تجنيد تابع ليها زي الهايكستب بالعبور او حلمية الزيتون ويكون معاك الاتي :-
شهادة الجيش و البطاقة والباسبور
هتروح منطقة التجنيد وخلي بالك دلوقتي بيدققوا علي الشنط فالأفضل خلي ورقك في دوسيه وتسال علي شباك تصاريح السفر هتاخد نموذج تملاه و هيطلب منك تصور اول صفحة بالباسبور اللي فيها معلوماتك الشخصيه و صورة البطاقة و شهاده الجيش كل ده في ورقه واحده هتسال علي مكان التصوير وتروح للعسكري هيصورلك الورق هترجع لشباك التصاريح مره تانيه تديله الورق بعد ماتملا النموذج و تستني لما تستلم الشهاده
حاجه اخيره لوعليك استدعي ده بيتعمله حاجه اسمها شطب فدي مهمه تسال في منطقة التجنيد علي الخطوات وتعملها قبل ماتسافر لان التصريح مش هيطلع لوعليك استدعي وماتسمعش كلام اللي يقولك لوروحت التحرير علشان تطلع كشف سير او تحركات او سفر بياخد فتره طويله هو عاده من يوم لتلات ايام عن تجربه ولما تعمل الشطب خلي معاك صوره وتفضل معاك علي طول
ونصيحه اخيره غالبا التصريح بيطلع بشهر فانت قبل سفرك
بعشر ايام علي الاقل روح طلع التصريح علشان لوفيه مشكله تلحق تحلها.
وتسافر بالسلامه ان شاء الله.
Comments
Post a Comment